Changu Changure Lyrics – Atharva Telugu Song

ఈడ జూసిన ఆడ జూసిన
ఏడ జూసినా సిత్రాలే
సుట్టు సూడనా
చూపు తిప్పుకోకా

దారి పొడవునా మూల మలుపున
దాగి ఉన్నవి సిత్రాలే
తొంగి సూడనా
కళ్ళు మూసుకోకా

హే సప్పుడుందని
రబ్బ తలుపును
కలలు తట్టడం సిత్రాలే
యాడపోవును తెల్లవారినాకా

గుప్పెడంత ఈ గుండె పిలుపుతో
ప్రేమ పుట్టడం సిత్రాలే
మనసు మనసుతో జంట కట్టడం
భలే భలే సిత్రాలే

చాంగు చాంగురే
చాంగు చాంగురే
ఎన్ని రంగులే
గలగలగల గడిచిన క్షణములు
చాంగు చాంగురే
చాంగు చాంగురే
అన్ని రంగులే
జలజలజల కురిసే వరములా

తేనె మాటలతో చిందే నవ్వులతో
అందం నింపుకున్న చిన్నిపాపలూ
వాన చినుకుల్లో సాగే పడవల్లో
ఆడే అచ్చమైన కొన్ని రోజులూ

తొలి స్నేహాలు, కను సైగలు
పెరిగేటి ఇష్టాలు, హొయ్
కలిసే చోటు, ఓ ఎడబాటు
తెలిసొచ్చే కన్నీళ్ళు, హోయ్

ఎదురు చూపులు
మొదటి ముద్దులు
అన్ని సిత్రమే
విడువని గుర్తులు
మరువని క్షణములు
చాంగు చాంగురే
చాంగు చాంగురే
ఎన్ని రంగులే
గలగలగల గడిచిన క్షణములు

కొమ్మలల్ల ఊయలూగే ఆ పువ్వులు
కొండలల్ల దుంకుతున్న వాగువంకలు
ముచ్చటేదో చెపుతున్న ఆ గాలులు
వెన్నెల రాత్రులూ

పట్టుకుంటే తుర్రుమనే తూనీగలు
రెక్కలల్ల చుక్కలున్న సీతాకోకలు
నీటి చుక్క అంచులున్న ఇంద్రధనస్సులు
మెరుపులా తీగలూ

నిన్న మొన్న మళ్ళీ రమ్మంటే రావు
నేడే త్వరగా చూసెయ్
హే, నీతోపాటు ఉండి పొమ్మంటే పోవు
ఎద లోతుల్లో దాచెయ్

ఎదురు చూపులు
మొదటి ముద్దులు
అన్ని సిత్రమే
విడువని గుర్తులు
మరువని క్షణములు
చాంగు చాంగురే
చాంగు చాంగురే
ఎన్ని రంగులే
గలగలగల గడిచిన క్షణములు